انیل مسرت کی بیٹی کی شادی، عمران خان، انیل کپور، شیخ رشید کی شرکت

لندن (روزنامہ یوکے ٹائمز)   چیئرمین تحریک انصاف عمران خان نے لندن میں معروف بزنس مین اور سماجی شخصیت انیل مسرت کی بیٹی کی شادی میں شرکت کی۔ شادی کی تقریب میں پاکستانی سیاستدانوں کے علاوہ بالی ووڈ اداکاروں اور لندن کے میئر صادق خان نے بھی شرکت کی۔

انیل مسرت کی بیٹی کی شادی میں چیئرمین تحریک انصاف عمران خان، شاہ محمود قریشی اور ڈاکٹر بابر اعوان بھی شریک ہوئے عوامی مسلم لیگ کے سربراہ شیخ رشید احمد، پیپلز پارٹی کے رہنما مخدوم احمد محمود، نعیم الحق اور وکیل احمد رضا قصور ی سمیت دیگر سیاسی شخصیات نے بھی شرکت کی۔

سابق وزیراعظم پاکستان شوکت عزیز بھی تقریب میں مدعو تھے جبکہ بھارتی اداکار انیل کپور اور سنیل شیٹھی بھی شادی کی تقریب کا حصہ تھے۔ مختلف شعبہ ہائے زندگی سے تعلق رکھنے والے افراد کی تقریب میں شرکت کی۔ انیل کپور کی بیٹی سونم کپور سمیت کئی بھارتی شخصیات نے شرکت کی۔